Lamhe

Teacher ko choti si baat ke liye pareshaan krrna
Games period ka bechaini se intezaar krrna
Roz subah homework poora krrne ka struggle krrna
Boring class me chupkese dabba kholke khana
Pen fight ko class level ka tournament banana
Har ek cheez kuch na kuch sikha gayi
Mann Mastishk pe amit chaap kar gayi
Roz ke tanav me yehi to hame hasayenge
Ye lamhe ham kabhi na bhool payenge

Yaad hai wo school picnic me jaana
Pose de de ke photo khichana
Ek doosre ka tiffin choda ke khana
Bollywood songs pe baraatiyon jaise naachna
Speaker pe bajte gaane pe lip sync krrke gaana
Wo trip ki masti ka koi jod nahi
Seat partners ki dosti ka koi tod nahi
Yaadon me wo trip ham baar baar jayenge
Wo lamhe ham kabhi na bhool payenge

Bal noch noch ke physics ke sum solve krrna
Maths Bio ke liye ragad ke mehnat krna
Chemistry ke concepts bilkul bouncer jaana
Computer period ko free time samajhlena
English period ki kahaniyon me kho jaana
Kitabo ke coverpage hamesha ke liye yaad rehgye
Dushman se lagne wale subject zindgi ban gye
Alumni ceremony me ham safalta ke geet gungunayenge
Ye lamhe ham kabhi na bhool payenge

Teachers ka class me aake padhana
Roz nayi aur rochak baatein batana
Latke muh dekhkar jokes suna ke hasana
Hamari bhul par unka samjhana
Unka kabhi mentor kabhi supporter aur kabhi best friend ban jana
Poori duniya me hamara parcham lehrayega
“Great student reveals a awesome teacher” kahajayega
Hamare teachers se acha koi doondh ke batade sab sirf doondhte rehjayenge
Unke saath guzare lamhe ham kabhi na bhool payenge

Ek doosre ko alag alag naam se chidana
Achanak pechese tapli maarke gayab hojana
Shararaton me ek doosre ka saath dena
Exams se thik pehle group study ka plan banana
Fir musibat ke samay poori paltan ka ek hojana
Class teacher place decide krne ki liye pareshaan hoti rhe
Khuda kre hamari dosti yu hi bani rhe
Marte dam tak ye dosti ka rishta nibhayenge
Ye lamhe ham kabhi na bhool payenge

Wo last day kaun bhool sakta hai
Safed tshirt pe yaadein likhwana
Nayi shuruvat ki khushi,
aur akhri din ka gam manana
Sabka ek doosre se gale lagjana
Aur school khatam hote hote sabka bhavuk hojana
School uniform cupboard me hamesha saji rhegi
Jo yaha sikha life bhar kaam deti rhegi
Ye aise haseen pal hai jo hame rulayenge
Ye lamhe ham kabhi na bhool payenge

Farewell ke din sabka ban than ke aana
Aaj hamara farwell hai ye sabko batana
Juniors se ache farewell ki aasha karna
Aur juniors ka aashaon pe kada utarna
Mera aap sabko kavita sunana
In lino ko sunke sabko apni school life yaad aayi hogi
Aasha krta hu aapko meri kavita pasand aayi hogi
Ye pal hame har baar baar baar yaad aayenge
Ye lamhe ham kabhi na bhool payenge

#divyansh